Uest Bromi realizoi një përmbysje të pabesueshme, duke shënuar dy gol;a në fundin e takimit, për të ndalur te barazimi 2-2 Liverpulin.
Në minutën e 72-të Liverpuli shënoi me Mohamed Salah dhe shkoi në 2-0 – Deni Ings kishte shënuar në pjesën e parë, pas thuajse 1000 ditësh pa gol.
Megjithatë, në minutën e 79-të Lajvërmor shkurtoi distancën e golave dhe Rondon barazoi në minutën e 88-të.
Barazim thjesht për moral për Uest Bromin, që po zbavitet tani që rënia nga Premier Liga është e sigurt dhe fitorja e javës së shkuar në Mançester ishte një surprizë e çuditshme.
Gjithsesi, nuk është se Liverpuli e kishte ndeshjen e jetës, sepse është i sigurt në zonën Champions dhe sot Klop la pushim shumë titullarë, sidomos në mbrojtje, duke menduar vetëm për Romën të martën.
Synimi madhor i Liverpulit duket ai që të ndihmoheshin i pafati Ings, i dëmtuar për shumë kohë, si dhe rekordmeni Salah. Ylli egjiptian ka shkuar në kuotën e 31 golave, duke barazuar gjigantë si Alen Shirer, Kristiano Ronaldo e Luis Suarez, por ka ende kohë ta thyejë rekordin për golat e shënuar në një kampionat Premier Lige me 20 skuadra. Rekordin absolut në Premier Ligë e kanë Alan Shirer dhe Andi Kol, 34 gola. Do ta ruajnë dot?
What a season @22mosalah is having! ?
?? Will the Egyptian King win the Golden Shoe? ?
Follow updates and watch in-game clips as @LFC travel to @WBA live on Sky Sports Premier League here: https://t.co/vc3mcw3PkR pic.twitter.com/04zdoOZv5Z
— Sky Sports PL (@SkySportsPL) April 21, 2018
Magnificent @22mosalah ? ? ????????????????????????????? @premierleague goals #WBALIV
— Alan Shearer (@alanshearer) April 21, 2018