Liverpuli fiton, por sa vuajtje ndaj Bërnlit!

0

Kundër skuadrës më të dobët të Premier Ligës jashtë fushe, Bërnlit, pritej një fitore disi më bindëse, por Jyrgen Klop duket se nuk e ka idenë ç’të bëjë në ndeshje të tilla: Liverpuli shkatërron rivalët e kreut, por vuan me çdo ekip të vogël, brenda e jashtë fushe.

Edhe sot ashtu ndodhi, sepse u desh një gol i Emre Xhanit në minutën e 61-të për të thyer Bërnlin, me ndeshjen që ishte mbërthyer në shifrat 1-1 dhe me miqtë që po luanin shumë mirë.

Barns shënoi që në minutën e shtatë për Bërnlin, që këtë sezon ka marrë vetëm dy pikë jashtë fushe, ndërsa Uijnaldum gjeti barazimin në shtesën e pjesës së parë për “The Reds”.

Emre Xhan shënoi një gol të bukur nga distanca, pikërisht në momentin që u zëvendësua Filipe Kutinjo.

Pas golit të Liverpulit, në fushë ishte praktikisht vetëm Bërnli, që luajti bukur dhe në shtesë për pak barazoi, por nuk pati faktin me vete.

SHPËRNDAJE

PËRGJIGJU

Please enter your comment!
Please enter your name here