Lista e Kosovës me risi, sulmi bëhet stratosferik

0

Është publikuar sot edhe lista e përfaqësueses së Kosovës, që të premten do të përballet në Shkodër me Islandën, për kualifikueset e Kupës së Botës

Në listë mungojnë Pepa, Meha, Halimi, Zejnullahu dhe Bunjaku, për dëmtime apo për faktin se nuk po luajnë rregullisht në klubet përkatës, ndërsa në rastin e Mehës futbollisti mund të quhet i përjashtuar nga kombëtarja, pas ankesave publike për faktin që nuk po luan titullar.

Mesfushori Enis Alushi do të mungojë për pezullim, ndërsa qendërmbrojtësi Loret Sadiku mbetet peng i vendimit të FIFA-s për të mos e lejuar të luajë për Kosovën, duke qenë se më parë ka luajtur për Suedinë U-21 dhe pastaj ka aplikuar për të luajtur për Shqipërinë.

Rikthehet në grumbullimin e Kosovës sulmuesi Elbasan Rashani, kurse emrat e rinj janë: mbrojtësi Mërgim Vojvoda dhe sulmuesit Atdhe Nuhiu, Besart Berisha dhe Donis Avdijaj.

Në këtë mënyrë, sulmi i Kosovës bëhet shumë i frikshëm, aq sa trajneri Albert Bunjaku do të ketë probleme të mëdha në përzgjedhjen e formacionit, sepse lojtarë si Rashica, Bernard Berisha, Celina, Zeneli, Avdijaj, Besart Berisha, Nuhiu e Muriqi janë të gjithë të nivelit të lartë dhe pretendojnë formacionin.

No automatic alt text available.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image