Lista e Belgjikës me surpriza, Januzaj shkon në Rusi dhe Kompani mbetet pezull

Belgjika ka publikuar listën finale me 23 lojtarët që do të shkojnë në Kupën e Botës 2018 në Rusi. Trajneri Roberto Martinez ka bërë zgjedhjet finale, duke lënë në shtëpi 4 elemente: portierin Sels, mbrojtësit Xhordan Lukaku e Kabasele dhe sulmuesin Benteke.

Lista finale për momentin ka 24 emra, sepse është grumbulluar provizorisht edhe Loran Ciman, për shkak se kapiteni Vinsent Kompani është i dëmtuar dhe prania e tij në Botëror është ende në pikëpyetje. “Nëse nuk do jetë në 100% deri javën e ardhshme, Kompani nuk do jetë në Botëror”, ka sqaruar Martinez, i cili ka befasuar me zgjedhjet e tij.

Lënia jashtë e sulmuesit Benteke ka habitur jo pak, ashtu si grumbullimi i Adnan Januzajt, i cili mendohej se do të mbetej jashtë. “Për balancën e grupit, preferova Januzajn para Bentekes, sepse i kemi 2 numra 9, Lukaku e Batshuaj”, ka shpjeguar Martinez.

LISTA E BELGJIKËS:
PORTIERË: Thibaut Courtois (Chelsea FC / ANG), Simon Mignolet (Liverpool FC / ANG), Koen Casteels (Wolfsburg, ALL)

MBROJTËS: Toby Alderweireld (Tottenham Hotspur / ANG), Laurent Ciman (Los Angeles FC, USA), Leander Dendoncker (Anderlecht / BEL), Vincent Kompany (Manchester City, ANG), Thomas Meunier (Paris SG / FRA), Thomas Vermaelen ( FC Barcelona, ??ESP), Jan Vertonghen (Tottenham Hotspur / ANG)

MESFUSHORË: Yannick Carrasco (Dalian Yifang, CHI), Nacer Chadli (WBA, ANG), Mousa Dembele (Tottenham Hotspur / ANG), Kevin De Bruyne (Manchester City / ANG), Marouane Fellaini (Manchester United / ANG), Yuri Tielemans (Monaco, FRA), Axel Witsel (Tianjin Quanjian / CHI)

SULMUES: Michy Batshuayi (Dortmund, ALL), Eden Hazard (Chelsea FC / ANG), Romelu Lukaku (Manchester United / ANG), Dries Mertens (Napoli / ITA), Thorgan Hazard (Borussia Monchengladbach / ALL), Adnan Januzaj (Real Sociedad , ESP)

Leave a Reply

Your email address will not be published. Required fields are marked *