Limaj: Bylisi ngjitet, Tirana nuk është më e fortë

0

“Dua të luaj në elitë, kam provuar disa role dhe po fitoj shumë eksperiencë”

Bylisi në verën e shkuar bëri disa afrime cilësorë, madje në Ballsh erdhën shumë futbollistë, shqiptarë dhe të huaj. Por, Vesel Limaj është një nga afrimet cilësore që ka bërë skuadra e Bylisit. Mesfushori kosovar është ambientuar shpejt te ballshiotët dhe tashmë kërkon të provojë një sfidë për karrierën e tij. Limaj, aktualisht është 21vjeç, madje i mbushi në 1 dhjetorin e këtij viti. Ka luajtur si ttiullarë i padiskutueshëm në Ballsh, duke shënuar edhe 1 gol.

DEKLARATA – Në një prononcim dhënë për “Sport Ekspres”, mesfushori Limaj ka deklaruar: “Bylisin ma sugjeruan si klub dhe nuk u mendova dy herë për të firmosur. Më pëlqeu si eksperiencë, sepse dëgjova që është një klub qe u jep hapësirë talenteve. Kam më shumë se një muaj këtu dhe jam ambientuar, madje ambienti është shumë i mirë nga të gjithë faktorët. Duke zhvilluar disa miqësore po mësoj më shumë për futbollin këtu. Njoh Tiranën nga ekipet që ne kemi në grup dhe do të jemi rivalë me ta. Më pëlqen shumë që jam pjesë e një klubi me shumë kualitet dhe ka harmoni”.

SYNIMET – Unë besoj shumë se në sezonin e ri, që në startin e së shtunën do të jemi solid, madje dhe më mirë se në Kupë. Më vjen mirë qe shënova dhe e nisa me gol, por dua që skuadra të fitojë në çdo ndeshje. Në fund të sezonit besoj shumë se do të ngjitemi në Superiore. Dëshira ime është që të luaj sa më shumë dhe të jap më të mirën për skuadrën time. Me Bylisin dua të luaj në elitë dhe pse jo, pasi të kem më shumë eksperiencë të luaj jashtë, siç edhe janë projektet e klubit. Në fakt kampionati është shumë i fortë në Kategorinë e Parë, madje Tirana është një ekip me shumë traditë dhe kualitetet, por të jem i sinqertë, në ndeshjen direkt që ne luajtëm nuk ishte ekip që bëri diferencën. Përkundrazi, ata që e ndoqën ndeshjen vlerësuan Bylisin si skuadrën me të mirë në fushën e lojës”,- ka mbyllur mesfushori 21-vjeçar Vesel Limaj.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.