Leh Poznan-Legia, kur rivaliteti prek edhe fëmijët!

0

Një humbje mund të përjetohet në shumë mënyra, po kur ajo vjen përballë një rivali të urryer në kampionat, atëherë është e padëshiruar dhe nuk përtypet. Një farë Partizani-Tirana në Shqipëri, por në Poloni, Leh Poznan dhe Legia Varshavë është një urrejtje që shkon edhe përtej ndonjë shakaje mes miqsh apo ndonjë batute me fqinjin e lagjes.

Është çështje nderi dhe kur nderi futet në pjesë, ndodh që ultrasit e një skuadre (Legias) të keqtrajtojnë lojtarët, duke i goditur me grushte, pas një humbje 3-0 në transfertë. Armiq të betuar, një rivalitet dhe urrejtje që prek edhe fëmijët, ashtu sikurse fotografia e “derbit” të përpara disa ditëve, kur në stadiumin e Poznanit, një fëmijë, pas golit të 3-të të vendasve, nxori gishtin e mesit kundër Legias…

Dhe diçka tjetër, spektakli piroteknik ishte i jashtëzakonshëm, por ndryshe nga Shqipëria, në Poloni, policia nuk do të ndërmarrë asnjë masë për të ndaluar fishekzjarrët, tymueset dhe sidomos dekorativët… Ndoshta, janë shumë mbrapa nesh, si filozofi dhe zhvillim!

 

 

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image