Në homazhet e organizuara në nderim të Fadil Vokrrit ishin të pranishëm personalitete nga e gjithë bota dhe si përfaqësues i UEFA-s ishte ish-futbollisti legjendar kroat Zvonimir Boban, i cili tashmë punon si zëvendëssekretar i përgjithshëm i UEFA-s.
Kroati, i cili ka luajtur futboll në nivele shumë të larta sidomos në vitet ’90, tha pak fjalë për të madhin Vokrri: “Erdha për ta ngushëlluar familjen e Vokrrit për këtë humbje të madhe, pasi ai ka qenë legjendë e futbollit. Normalisht që përcjell ngushëllimet edhe të presidentit të UEFA-s, Ceferin. Më rrallë jemi takuar viteve të fundit me njëri-tjetrin, por ka qenë njeri i madh. Shpresoj se do të takohemi në një botë tjetër, për të luajtur futboll.”