“Lajthit” Juventusi, heq dorë nga supertalenti për De Ligt

0

Matijs De Ligt ka pranuar prej kohësh të vazhdojë karrierën te Juventusi. E vetmja “nyje” që duhet zgjidhur është marrëveshja me Ajaksin. Holandezët po tregohen kokëfortë me atë që kërkojnë. Nëse Juve e do talentin në ekip për sezonin e ardhshëm, duhet të paguajë 75-80 milionë euro.

Shifër kjo, që cilësohet e madhe dhe jo lehtësisht e përballueshme edhe nga një klub si Juventusi. Mediet italiane raportojnë se Paratiçi e Nedved po negociojnë për një mënyrë tjetër pagese ndaj Ajaksit. Ata janë gati të heqin dorë nga një prej talenteve më të mëdha të akademisë, pikërisht Moise Ken.
Oferta e radhës nga ana e Juventusit në drejtim të skuadrës nga Eredivise është 50 milionë euro, plus kartonin e 19-vjeçarit. Një ofertë që arrin në 75 milionë, nëse konvertojmë kartonin e të riut. Ajaks do e mendojë mirë këtë ofertë, pasi do të merrte një lojtar, që pritet t’i rritet vlera dhe brenda një kohe të shkurtër do vlejë sa De Ligt.

You might also like

Leave A Reply

Your email address will not be published.