Laçi do gjithë qytetin në stadium

0

Atmosfera në ekipin e Laçit është e mirë. Faza e dytë ka nisur kënaqshëm, pasi janë marrë katër pikë në dy ndeshje, falë fitores me Partizanin dhe barazimit në Gjirokastër me Luftëtarin. Trajneri Gentian Mezani po punon i qetë me skuadrën dhe dy ditë më parë është bashkuar me grupin edhe Ademir Souza, ndërkohë që edhe Gjoni dje u përgatit normalisht, sikurse edhe pritej. Në seancat e deritanishme stërvitore nuk është kuptuar ende se cili do të jetë formacioni që të sfidojë Kukësin nga fillimi, por sot të shihet më qartë, kur edhe të zhvillohet seanca e fundit dhe më pas ekipi të grumbullohet.
THIRRJA PËR TIFOZËT
Përballjet Laçi-Kukësi këto vite kanë qenë mjaft të luftuara, madje edhe vjet kur kurbinasit ishin dobët dhe rrezikonin të binin nga Superiorja, verilindorët nuk ia kanë dalë të fitojnë në shtëpinë e bardhezinjve. Tifozët mezi e presin këtë takim dhe klubi u ka bërë thirrje për mbështetje, teksa në faqen në “Facebook” shkruhet: “Të shtunën, ora 14:00. Nuk duhet të mungojë asnjë. Luan Laçi dhe të gjithë duhet të jenë në mbështetje të ekipit në këtë ndeshje. Përballë kemi Kukësin. Ftojini të gjithë: shokë, miq e kë të mundeni. Stadiumi duhet plot dhe në fund të marrim tre pikët. Para Laçi brez pas brezi, njëherë lindi e kurrë s’do vdesë! Ejani të gjithë!”. Pritet që në këtë takim numri i tifozëve të jetë më i madh se zakonisht, pasi behët fjalë për një sfidë me “kunj” që askush nuk ka dëshirë ta humbasë.

PËRGJIGJU

Please enter your comment!
Please enter your name here