Kur Turqia na merrte 6 pikë në kualifikueset e Botërorit 2006…

0

Në vitin kur e mbyllëm me 13 pikë, skuadra turke na mundi dy herë. E megjithatë, në miqësore i kemi mundur dy herë në transfertë, duke i shënuar 6 gola

Përballja e sotme Turqi-Shqipëri në Antalia padiskutim që nuk ka interesin e ndeshjeve kualifikuese, edhe pse pikërisht në këto 90 minuta nis përgatitja për kualifikueset e Europianit 2020 të drejtuara nga Kristian Panuçi. Edhe pse bëhet fjalë për një miqësore, sigurisht, të dy skuadrat do të duan që të japin më të mirën.

E ndërsa në një anë, përfaqësuesja turke duhet të tregojë se rindërtimi nis nga kjo ndeshje, pasi nuk arriti që të kualifikohej në kupën e botës, trajneri Mirçea Luçesku është në fije të perit dhe alternativë është dhënë Kaveci. Sakaq, Panuçi do të presë disa përgjigje në fushë nga të tijtë. Sa i përket historisë, sigurisht, kjo përballje do të jetë e nënta mes këtyre dy kombëtareve. Deri tani, përballjet janë zyrtare dhe jozyrtare.

Janë zhvilluar gjashtë ndeshje të vlefshme për kualifikueset e Europianit dhe Botërorit, ndërsa dy të tjera janë miqësore dhe të dyja janë fituar nga kuqezinjtë. Bilanci flet për turqit, me 4 fitore, ndërsa një ndeshje është ndarë në barazim dhe 3 i ka marrë Shqipëria, por sa i përket golave të shënuar dhe fitores më të thellë, ajo është për kuqezinjtë: fitore në transfertë 4-1 në vitin 1998.

Ndërkohë, në 2001 kemi fituar 2-0 po një miqësore. Interesant është fakti që të dyja sukseset janë në fushën e Turqisë. Nëse marrim parasysh vetëm ndeshjet zyrtare, kuqezinjtë kanë vetëm një fitore në vitin 1972 me rezultatin 3-0. Ndeshjet e tjera janë fituar nga Turqia, duke përjashtuar barazimin 1-1 të vitit 1984.

Fakti – Por, ajo që ia vlen të theksohet është se në kualifikueset e Botërorit 2006, ku u renditëm në vend të 5-të në një grup të përbërë nga shtatë skuadra (duke lënë poshtë Gjeorgjinë dhe Kazakistanin), kombëtarja turke na mundi 2 herë, duke arritur kështu kualifikimin si e dytë e grupit (23 pikë) dhe duke lënë në vend të tretë Danimarkën (22 pikë).

Përballjet Turqi-Shqipëri

Kualifikueset Botërori 2006

Shqipëri-Turqi                   0-1

Turqi-Shqipëri                   2-0

Miqësore 2001

Turqi-Shqipëri                   0-2

Miqësore 1998

Turqi-Shqipëri                   1-4

Kualifikueset Euro 1984

Shqipëri-Turqi                   1-1

Turqi-Shqipëri                   1-0

Kualifikueset Euro 1972

Shqipëri-Turqi                   3-0

Turqi-Shqipëri                   2-0

Bilanci

4 fitore Turqia

3 fitore Shqipëria

1 barazim

8 gola të shënuar nga Turqia

11 gola të shënuar nga Shqipëria

554 ndeshje zyrtare dhe jozyrtare ka luajtur Turqia në 94 vjet histori, që nga krijimi i kombëtares. Ka luajtur 293 ndeshje zyrtare dhe 261 miqësore. Ka fituar 209 ndeshje, barazuar 128 dhe humbur 217

 

 

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image