Albert Bunjaku do të drejtojë në tetor dy ndeshjet e fundit si trajner i Kosovës. Në ndeshjet kundër Ukrainës e Islandës priten ndryshime të mëdha në formacion, pasi Valon dhe Bernard Berisha janë të pezulluar për ndeshjen e parë, ndërsa mesfushori Enis Alushi është i dëmtuar.
Supersport raporton se Bunjaku do të kthejë në përfaqësuese Elbasan Rashanin, por edhe Bersant Celinën.
Lajm i mirë për Skënderbeun: Fidan Aliti tashmë do të grumbullohet nga Kosova.
Një lajm jo i mirë për Flamurtarin e Vlorës: Adis Nurkoviç do të lihet jashtë, për të provuar të riun Visar Bekaj, portieri i Prishtinës.
Duhet kujtuar se çdo grumbullim nëpër kombëtare nënkupton fitime për klubet, pasi FIFA paguan çdo klub për futbollistët që shkojnë me ekipet përfaqësuese, ndaj Skënderbeu paratë që humbet nga largimi i Latifit i rikuperon me Alitin, pa harruar që te Kosova është edhe Jashanica.
SHPËRBLIMET E KLUBEVE SHQIPTARE PËR KUALIFIKUESET DHE TURNEUN FINAL EURO 2016