Kosova do fitoren e parë, Bunjaki: Lamtumirë, pas kampionatit botëror!

0

 

Në “Loro Boriçi”, përfaqësuesja e dardanëve do të përpiqet që të marrë një sukses që ende mungon. Trajneri paralajmëron atë që pritej

Kosova është mobilizuar si asnjëherë më parë, synon fitoren e parë në grupin i të kualifikimeve për Kampionatin Botëror – ‘Rusia 2018’ në futboll. Gjithçka është gati për sfidën Kosova – Finlandë, e cila luhet nesër në orën 20.45 në stadiumin “Loro Boriçi” në Shkodër, në kuadër të grupit i të kualifikimeve. Pas 365 ditëve sërish takohen ndërmjet vete, pasi që sfida e parë në Turku kishte përfunduar me rezultat 1-1. Sakaq, trajneri  i përfaqësueses së Kosovës, Albert Bunjaki, në konferencën që ka mbajtur dje në Shkodër, një ditë para takimit me Finlandën ka thënë se pas Kampionatit Botëror nuk do të jem më e Kosova.Ai ka thënë se ka kontratë me FFK-në për dy vite me mundësi vazhdimi edhe dy vite të tjera. “Kam kontratë me FFK-në 2+2. Do të bisedojmë pas përfundimit të këtyre eliminatoreve. Një është e sigurt pas Kampionatit Botëror nuk do të jem më te Kosova. Pas Finlandës do të jenë edhe dy ndeshje, ky do të jetë maksimumi.

Do të jem i hapur për bisedime me FFK-në dhe të shohim për ndonjë punë tjetër. Unë do të jem në shërbim të FFK-së. Kontrata ime është e vlefshme deri më 21 qershor 2018”, ka thënë Bunjaki. Ai ka shtuar se a do të largohem nesër, pas një muaji, apo pas një viti, ende nuk e di, “unë nuk do ta vazhdoj kontratën. Vendimi për tu larguar është vendim i imi. Federata duhet të ketë hapësirë për ndryshime”, ka thënë Bunjaki.  Kosova dhe Finlanda ndeshen nesër në “Loro Boriçi”, të Shkodrës.

Kosova të vetmin barazim në garat për kualifikim në Kampionatin Botëror e ka nxjerr ndaj Finlandës, 1-1, ndërsa është e fundit në grup.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image