Kontratë 4-vjeçare, klubi i Superligës turke “blindon” sulmuesin shqiptar

0

Sulmuesi shqiptar Erdon Daci ka nënshkruar një kontratë 4-vjeçare me skuadrën e Superligës turke, Koniaspor. Futbollisti i lindur në Shkup dhe i formuar në akademinë e Vardarit ishte prej dy vitesh pjesë e skuadrës turke, por aktivizohej me ekipin rezervë, ku sezonin e kaluar shënoi 9 gola në 18 ndeshje.

Daci është grumbulluar në të shkuarën me grupmoshat  e Maqedonisë së Veriut, por 21-vjeçari disponon edhe shtetësinë shqiptare. 21-vjeçari është futbollisti i tretë shqiptar që sezonin e ardhshëm do jetë pjesë e Superligës turke së bashku me Vedat Muriqin e Fenerbahçes dhe Loret Sadikun e Kasimpashës.

Daci u shpreh shumë i gëzuar për besimin që iu dha nga drejtuesit e skuadrës dhe premtoi se sezoni i ardhshëm do të ishte i frytshëm për të dhe skuadrën e Koniasporit.


You might also like

Leave A Reply

Your email address will not be published.