Koliçi shqetëson Flamurtarin, Daja: Alternativa kemi, presim mjekët

Flamurtari mundi Teutën në mesjavë, por nuk ka shumë kohë për festë. Përballja e radhës është të dielën dhe vlonjatët do të ndeshjen me Kukësin në “Elbasan Arena”. Gjithçka nis prej orës 15:45, ndërkohë që për trajnerin Ilir Daja ka një shqetësim, pasi portieri Enea Koliçi rrezikon të mungojë ndaj ish-skuadrës së tij.

Për SportEkspres.com, Daja deklaron se ende nuk ka ndonjë përcaktim final për shkallën e dëmtimit të pogradecarit. “Koliçi është një forcë e madhe te Flamurtari dhe mungesa e tij në sfidën me Kukësin do ishte serioze për skuadrën. Gjithsesi, sot pasdite do të shikohet shkalla e dëmtimit të tij. Besoj shumë se ai do të rikuperohet deri në ditën e ndeshjes. Alternativat janë, por ai është një titullar i rëndësishëm dhe deri të dielën në Elbasan shpresojmë të jetë i gatshëm”, shprehet kreu i pankinës vlonjate.

Nëse Koliçi nuk ia del, në portë do të jetë portieri Pano Qirko. Ndërkohë edhe  Pollozhani, Veliu e Kale kanë patur dëmtime të lehta pas ndeshjes me Teutën. Gjithsesi trajneri Daja deklaron se ata do jenë të gatshëm për ndeshjen me Kukësin.

AGRON KAJA

Leave a Reply

Your email address will not be published. Required fields are marked *