“Kjo, paraqitja më e dobët”, Sarri i jep dorën tifozit dhe ua plas në fytyrë lojtarëve!

0

Pas një fillimi shumë të mirë të sezonit, Çelsi ka filluar të ngecë dhe jeta e Mauricio Sarrit ka filluar të bëhet më e vështirë. Humbja 4-0 kundër Buremuthit në transfertë nuk ka nevojë për koment. Trajneri italian ka vendosur të bëjë një takim pas fundit të ndeshjes.

Asnjë pjesëtar i stafit, vetëm ai dhe lojtarët. Siç raporton “The Sun”, Sarri ka shpërthyer në kritika kundrejt yjeve të skuadrës, duke i akuzuar ata se nuk kanë ndjekur udhëzimet e tij. 50 minuta bisedë me lojtarët, aty ku gjithçka është thënë në sy me tone aspak të qeta.

Në një prononcim për “Daily Mail”, Azpilikueta ka treguar situatën e vështirë që po kalon ekipi. “Me trajnerin i kemi thënë gjërat në sy si burra. Jemi shumë të zemëruar dhe duhet të gjejmë menjëherë zgjidhje. Është e papranueshme për Çelsin një humbje 4-0.

Pasi ka thënë gjithçka lojtarëve në sy, Sarri ka vendosur të niset drejt Londrës i vetëm. Trajneri nuk ka udhëtuar me autobusin e ekipit, ka marrë një ndihmës të vetin dhe është nisur me makinë për në shtëpi.

Një tifoz i trishtuar për humbjen e thellë ka patur disa fjalë për t’i thënë trajnerit. “Kjo është performanca më e keqe e Çelsit që kam parë ndonjëherë”, është shprehur tifozi, ndërsa Sarri i ka zgjatur dorën dhe i ka kërkuar falje. Atmosfera është e zymtë, ndërsa nesër “Blutë e Londrës” presin Hadërsfilldin në shtëpi. Ekipi nuk ka alternativa. Kjo ndeshje duhet fituar me çdo mënyrë, për të rikthyer qetësinë dhe ekipin në garë për një vend në Champions Ligë.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.