Në mungesë të futbollit të luajtur, është kohë pushimesh për futbollistët që nuk shkojnë në Kupën e Botës dhe duket se disa prej tyre e teprojnë kur duan të zbaviten.
Sulmuesi i Interit Jan Karamo është bërë objekt diskutimesh në Itali, për shkak se në një lidhje direkte në Instagram ka ofenduar Juventusin, duke kënduar: “Juve m**i”.
Djaloshi 19-vjeçar nuk e ka vrarë mendjen fare që është në transmetim direkt në Instagram dhe për ata të cilët e ndiqnin e teproi me fjalorin, ndoshta për t’u bërë qejfin tifozëve zikaltër.
Natyrisht, koret e tifozëve nuk mund të përdoren të gjitha edhe nga lojtarët dhe tashmë francezi është në telashe, sepse e ka kaluar limitin.