Bazeli shpartallon Sionin, duke fituar 5-1, por historia e veçantë e ndeshjes nuk ishte kjo, pasi fitorja e Bazelit ishte mëse e pritshme.
Ajo që ra në sy ishte lufta mes tifozerive ultras në pushimin e ndeshjes, pasi një tifoz i Bazelit vrapoi dhe i rrëmbeu një flamur tifozerisë së Sionit, duke bërë që për pak minuta fusha të pushtohej nga tifozë që ndiqnin njëri-tjetrin.
Gjithsesi, më vonë gjithçka u normalizua dhe Bazeli kaloi nga humbja 0-1 e pjesës së parë në 5-1, duke u afruar me kreun.
Taulant Xhaka u fut në fundin e takimit, Lenjani luajti 90 minuta te Sioni dhe Burim Kukeli qëndroi 90 minuta në stol.