Trajneri i Shqipërisë, Edi Reja, ka bërë një lidhje telefonike me Gerti Çarçanin për të folur shumëçka sa i përket gjendjes që ka përfshirë Italinë, Shqipërinë dhe Europën. Për ta nisur që nga Koronavirusi, ndërsa Reja bën thirrje që të qendrohet në shtëpi, pasi kjo është e vetmja mënyrë për ta mundur këtë pandemi.
Madje duke folur me shembullin personal, teksa ka 1 muaj i izoluar në shtëpi. Gjithashtu është folur edhe teza për vazhdimin e kampionateve në Europë, “Champions League”, “Europa League” dhe kampionati europian që pritet të shtyhet për në vitin 2021.
“Le të themi që jemi të izoluar. Shikojmë me shumë vëmendje lajmet. Situata këtu është shumë e vështire, por mbi të gjitha në Lombardi. Situata është vërtet shumë shqetësuese, por edhe trishtuese. Ka shume të sëmure që janë të shtruar në spital.
Në këto momente, duhet ta lëmë mënjane futbollin e luajtur, pasi nuk ka më rendësi. Edhe nëse ne jemi të apasionuar për futbollin ose kemi nevoje për të. Kjo sepse ajo qe ka me tepër rendësi dhe mbetet primare tani është jeta, dhe ne ndihemi në të vërtetë të rrezikuar.
Këtu në Itali ka mbërritur më pare ky virus, pastaj ka ardhur edhe në Tirane. Shikoj që në vendin tuaj janë marre masa të forta nga shteti për të mos u përhapur më tepër. Njerëzit duhet të bëjnë sacrificë të madhe, duhet të qëndrojnë në shtëpi për të qenë të sigurt nga ky virus. Duhet të shmangim kontaktet me njerëzit. Nuk e kishim menduar kështu këtë periudhe, por duhet ta përballojmë. Jemi ne padronët që duhet të përballemi me këtë fat. Duhet të marrim masat e duhura dhe t’i bëjmë gjërat mirë për të shpresuar që ky virus të kalojë.
Është e vërtetë, ekziston mundësia që Kampionati Europian të shtyhet për vitin 2021. Unë mendoj se duhet të merren në konsideratë edhe datat e kampionateve që nuk kanë përfunduar ende. Federatat mund t’i kërkojnë UEFA-s shtyrjen, sepse tani kampionatet janë ndalur për 15 ditë. Më vonë, ku i dihet, mund të shtyhen për 30 ditë dhe duhet një muaj për të rifilluar kampionatin, pastaj do të kishte një futboll të pa-balancuar dhe nuk do të kishte një dite për ta mbaruar. E vetmja mundësi qe kemi në dispozicion është për të shtyrë Kampionatin Europian në vitin 2021 për t’i dhënë mundësi Champions-it dhe Europa League të përfundojnë, ndërsa kampionatet e tjera të rikthehen në qershor ose korrik, sepse nuk ka data dhe mundësi të tjera.
Unë kam një muaj që qëndroj në shtëpi. Ju përsëris atë që thashë më lart. Qëndroni në shtëpi, lani duart shpesh dhe shmangi daljet nëse nuk kanë një rëndësi të veçantë. Evitoni grumbujt me njerëz. Kjo është e vetmja mënyrë për të vrarë këtë virus, vetëm duke qëndruar në shtëpi. Duhet të kemi sa me pak kontakte me njerëz. Unë kam një muaj që rri kështu. Një përshëndetje për të gjithë shqiptarët dhe bëni pak sacrificë”, tha Reja. /Sport Ekspres/