Nga Klaudio Ndreca
Salernitana ka shërbyer si një “autoshkollë” për Lacion deri në këto momente, ndërsa të dyja ekipet kanë si president Klaudio Lotiton. Për këtë arsye futbollistët e rinjë dhe që ishin pjesë e kryeqytetasëve, por nuk kishin mundësinë për të luajtur rregullisht, dërgoheshin fillimisht në ekipin e Serisë B.
Atje ku gjendej Salernitana dhe në një rast të tillë ka kaluar edhe Thomas Strakosha. Ky i fundit i ka shfaqur aftësitë e tij në këtë skuadër dhe te Lacio e kuptuan se ishte gati të përballonte presionin. Në një intervistë për “Sky Sport”, Igli Tare ka ngritur peshë tifozët e Salernitanës duke thënë se ekipi është gati për arritjen e madhe.
“Dërgimi i një lojtari të ri në një skuadër aq të mirë dhe ambient që e përjeton futbollin, na lejon të kuptojmë nëse është gati apo jo që të marrë presionin e një ekipi si Lacio. Ne duam t’i japim mundësinë Salernitanës për të qenë pjesë në Seria A se e meriton”, u shpreh Tare. /Sport Ekspres/