Juventus nuk i ndahet Realit, gati plani për Marselon

0

Juventus nuk ndalet dhe vazhdon punën për të ardhmen. Bardhezinjtë pëlqejnë brazilianin Marselo dhe po përgatisin planin për të mbërritur te mbrojtësi gjatë verës së ardhshme.

30-vjeçarit i skadon kontrata në vitin 2022 me Realin e Madridit dhe atë e intrigon ideja për të ndërruar ambient dhe për të kërkuar stimuj të rinj. Raporti me teknikun e ri, Lopetegui nuk është ai i duhuri dhe lojtari u zhgënjye nga zëvendësimi në ndeshjen e fundit me Gironën.

Juventusi është një zgjidhje ideale dhe aty do të bashkohej përsëri me Ronaldon. Siç citon “Tuttosport”, drejtuesit e Juventusit po mendojnë të ofrojnë 50 milionë euro për kartonin e brazilianit. Vera është larg, por vjen shumë shpejt dhe drejtuesit e “Zonjës” janë gati për t’i dhuruar Alegrit dhe tifozëve një tjetër emër të madh të futbollit ndërkombëtar.

You might also like

Leave A Reply

Your email address will not be published.