“Jeni për të ardhur keq”, trajneri Partizani u hap sytë italianëve me shembullin e Shqipërisë: Këtu reaguan direkt!

Trajneri i Partizanit, Sormani, ka folur për mediat italiane duke treguar reagimin që ka pasur Shqipëria sa i përket Koronavirusit. Në vendin fqinj vazhdon të rritet numri i viktimave, duke mos pasur asnjë shenjë përmirësimi. Ndërkohë “Tuttomercatoweb” ka kërkuar që të bisedojë me Sormanin, për të ditur sesa ka reaguar shteti ynë menjëherë pas shfaqjes së COVID-19, por edhe FSHF, me ecurinë e futbollit.

“Qeveria shqiptare u bë gati menjëherë. Unë isha me ekipin kur erdhi ndalesa. Një ndalesë që nuk ka të bëjë vetëm me sportin. Këtu kemi zgjedhur të bllokojmë gjithçka, me nisma të shpejta dhe në kohë. Vetëm dyqanet ushqimore dhe farmacitë mbeten të hapura, me policinë dhe ushtrinë që shkojnë nëpër rrugë për të mbrojtur gjithçka. Dhe madje edhe popullata është nënshtruar në kufizime të mëdha: nuk mund të dilni nga shtëpia, përveç rasteve kohore midis 6 dhe 10 të mëngjesit dhe 16-18 të pasdites. Gjithçka është e kontrolluar, ju nuk mund të udhëtoni me makinë dhe qeveria, siç u përmend, ka lëvizur në një kohë të duhur.

Të gjitha aktivitetet, madje edhe aktivitetet trajnuese, janë pezulluar. Për këtë arsye, ne organizojmë seanca me telefonate video individuale dhe kolektive. Por po e përsëris, për mua aspekti fizik dhe sportiv ka pak rëndësi. Gjithashtu sepse sot është vërtet e vështirë të mendosh kur mund të fillosh përsëri me futbollin e luajtur, situata është në ekuilibër dhe Federata po vlerëson gjithçka me shumë kujdes. Në nivelin personal unë përpiqem të ritregoj ato që janë bërë deri më tani, të kuptoj gabimet dhe ku të përmirësohemi pasi futbolli të rifillojë.

Kur shoh Italinë, një situatë surrealiste. Duke parë vendin tuaj nga jashtë në këto kushte është keq, dhemb shumë. Kam lexuar për sjellje jo vërtet të përshtatshme nga një numër i konsiderueshëm i njerëzve dhe për fat të keq qëndrime të caktuara e bëjnë të qartë se sa e vështirë është për ata që qeverisin. E them këtë si një italian që ka punuar jashtë vendit, Shqipëri, Angli, Danimarkë. Në Itali në një sens të caktuar shoh një mungesë të sensit qytetar dhe unitetit. Realisht është keqardhje e madhe kur ju sheh nga jashtë”, tha Sormani. /Sport Ekspres/