Intervistat/ Mirsad Jonuz flet për gjendjen në Shkodër: Nuk kam aspak frikë, unë jam shqiptar

0

Vllaznia ka dalë e humbur ndaj Teutës, duke dështuar në shifrat 3-1 në transfertën që përmbylli javën e 22 të Superiores. Fillimisht ishin shkodranët që kaluan në avantazh me golin e Gurishtës në minutën e 17, por Hoxha, Todorovski dhe Vila vendosën fitoren e durrsakëve. Më poshtë mund të gjeni edhe intervistat e protagonistëve të këtij takimi për “Supersport”:

Edi Martini (Teuta): “Jam shumë i kënaqur pasi kemi fituar ndaj Vllaznisë, që luajtën shumë mirë edhe ndaj Tiranës. Ne vinim pas presionit që ishte kur gabuam ndaj Luftëtarit. Kjo shihej edhe në fillimin e lojës që ishim shumë të avashtë, por pasi e pësuam të parin, atje u tregua edhe nervi ynë. Ndeshjet në shtëpi shihen si të lehta, por nuk ka ndonjë ndryshim me transfertën. Ne nuk e përdorim dot faktorin fushë, pasi nuk kemi ndonjë mbështetje të jashtëzakonshme nga tifozeria. Vllaznia e kishte përgatitur mirë ndeshjen dhe po na godiste me topa pas shpine. Më vjen keq për ekskplozivin dhe atë që ndodhi në Shkodër. Nuk më takon mua të flas, por nuk më duket rastësore kjo që ndodhi dhe vijnë nga administrimi i gabuar që i bëhet klubit”.

Mirsad Jonuz (Vllaznia): “Nuk dua të them diçka për portierin, por ta pësosh në atë mënyrë, është vërtet e rëndë. Pastaj te goli i tretë në një krosim ku ishin 4 lojtarë të Vllaznisë, gjendet Vila që shënon. Na humbi përqendrimi dhe ishte e vështirë të gjenim ritmin. Ne krijuam shumë raste dhe nuk mendoj se kishte gabim në formacion. Kjo ndodh në futboll. Ne duhet të përmirësojmë gabimet dhe të luajmë si në 30 minutat e para. Ekskplozivi ndaj Licit dhe një largimi im i mundshëm nga frika? Aspak frikë, unë jam shqiptar. E vetmja frikë që kam është nga avioni (qesh). Nuk kam asnjë arsye për t’u frikësuar”.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.