Intervistat/ “I falenderoj nga i pari te i fundit”! Egbo pas Partizanit: Po na ikte nga duart, titullin e kemi në dorë

Nuk ka fitues në këtë derbi. Partizani dhe Tirana e mbyllin në paqe me barazimin 1-1. Fillimisht Uilliam Kordeiro kaloi në festë “të kuqtë” në minutën e 76- të takimit. Një ndeshje që dukej se do të kthente kryeqytetin të kuq. Por loja përfundon kur vërshëllen arbitri dhe këtë e tregoi qartë Tirana. Ishte makthi i Partizanit, Ernest Muçi, ai që shpëtoi bardheblutë nga humbja në minutat shtesë.

Në derbin e parë do të shtonte turpin për demat e kuq me atë supergol nga goditja e dënimit, ndërsa këtë herë tregon se ka një nuhatje goli fantastike. Edhe pse pak minuta në fushën e lojës, ishte ai që zgjidhi gjithçka. Një festë si të ishte fitore në kampin bardheblu, që mbyll kështu me dramë këtë supersfidë. Më poshtë mund të gjeni edhe intervistat e protagonistëve për “Supersport”:

Egbo (Tirana): “Po vjen sprinti final i kampionatit dhe ndeshjet nuk janë më të lehta. Tani mendohet që ku do të marrësh pikët dhe ku jo. Kjo ndikon shumë, ndërsa vinim edhe pas humbjeve. Kjo ishte një ndeshje derbi dhe duhet kuptuar. Shyqyr zotit që morëm një pikë sot, duhet të jemi të kënaqur. Titullin e kemi në dorën tonë, nuk duhet të presim askënd tjetër. Duhet të futemi në fushë dhe t’i marrim ndeshjet një nga një. Skuadra është e bashkuar dhe dukej që te pankina sot për mënyrën sesi u përjetua. Ndeshja ndaj Partizanit ishte duke na ikur nga duart, por bashkëpunimi i madh na dërgoi në këtë rezultat. Falenderoj çunat nga i pari te i fundit”.

Leave a Reply

Your email address will not be published. Required fields are marked *