Interi fitues është ai i të rinjve, edhe Armand Rada protagonist

0

Interi i Luçiano Spaletit ka humbur rrugën dhe sezoni pak nga pak po kthehet në zhgënjim, por ka edhe edhe një Inter që di të fitojë trofe.

Është Interi Primavera, skuadra e të rinjve drejtuar nga Stefano Veki, që po shkëlqen dhe dje fitoi Super kupën e Italisë, duke mundur 2-1 shtesave rivalin e zakonshem, Romën.

Vendosi një gol i argjentinasit Fakundo Kolidio në minutën e 118-të, me sulmuesin e talentuar që kishte shënuar edhe golin e parë të ndeshjes.

Triumf total i Interit, që në vitin 2015 fitoi Turneun e Viarexhos, ndërsa në vitin 2016 fitoi kampion dhe kupën, gjithnjë me trajnerin Veki në drejtim.

Titullar në finalen e djeshme ishte edhe Armando Rada, mesfushori 18-vjeçar i kombëtares sonë, i cili luajti 88 minuta dhe ka dhënë një kontribut të madh, në një sfidë ku Roma rrallë rrezikoi në fazën sulmuese, ndryshe nga një vit më parë kur e mundi Interin 4-0.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image