Interi fiton “bingon”, ylli i Portos “i fiksuar” pas zikaltërve

Një ndër lojtarët më të spikatur dhe më të rëndësishëm të Portos, është meksikani Hektor Herrera. Mesfushori, tashmë një lojtar i konfirmuar në mesin e fushës, është pikë kyçe për Porton dhe për kombëtaren e Meksikës. Prej gjashtë vitesh, aktivizohet në Portugali dhe eksperiencës së tij në vendin luzitan, duket se po i vjen fundi.

Në fund të këtij sezoni, 28-vjeçarit i përfundon kontrata me Porton dhe destinacionet e mundshme kanë nisur të shqyrtohen, me një sërë klubesh të interesuara për shërbimet e tij. Roma, Juventus, Inter, Napoli, apo dhe ekipe nga La Liga e Premier Ligë, janë vënë në radhë për të siguruar kartonin e Herrerës.

Hektor Herrera

Gjithsesi, mesfushori duket se ka vetëm një dëshirë, që lidhet me Interin. Madje, mediat në Portugali shkruajnë se, meksikani ka refuzuar ofertën për rinovim nga Porto, ku do të përfitonte 6 milionë euro. Duket se lojtari është “i fiksuar” pas ekipit zikaltër dhe tani mbetet për t’u parë reagimi i Interit.

Leave a Reply

Your email address will not be published. Required fields are marked *