Zllatan Ibrahimoviç nuk do të marrë pjesë në sfidën e yjeve të kampionatit amerikan kundër Juventusit, duke shmangur kështu një përballje mjaft interesante me një prej ish-skuadrave ku ka luajtur në karrierën e vet legjendare.
Sulmuesi i LA Galaksi shënoi 3 gola në ndeshjen e fundit të kampionatit, mëngjesin e sotëm me orën tonë, ndërsa të mërkurën duhej të luante për MLS All-Star, skuadër përfaqësuese e kampionatit, përzgjedhur në bazë të votimit të tifozëve.
Sipas rregullores, Ibra nuk lejohet të luajë as në ndeshjen e ardhshme të kampionatit, si ndëshkim për këtë tërheqje, por Galaksi ka shpjeguar se sulmuesi është sforcuar shumë fizikisht kohët e fundit, me shumë ndeshje e udhëtime, ndërsa vetë Ibra shpjegon: “Jam i zhgënjyer që do të mungoj në All-Star Game të këtij viti, kundër Juventusit. Falënderoj tifozët që më kanë votuar. Tani jam i përqendruar te shënimi i golave për të ndihmuar LA Galaksinë të shkojë në play-off”.
LA Galaxy forward Zlatan Ibrahimovi? will miss the #MLSAllStar Game pres. by @Target: https://t.co/D6UrRrvUyC pic.twitter.com/Fye2KSrUp6
— Major League Soccer (@MLS) July 30, 2018