Më në fund transferohet jashtë vendit edhe Bakari Nimaga. Te Skënderbeu raportohej si i dëmtuar dhe çuditërisht sot është prezantuar në Turqi te Hatajspor, klub që luan në ligën e parë. Për mesfushorin malien do të jetë një mundësi e mirë për të treguar vlerat dhe për t’u shitur në të ardhmen.
Nimaga prej vitesh bënte mirë me Skënderbeun dhe oferta nuk i kishin munguar, por vetëm këtë verë është bërë transferimi i tij. Kontrata e tij me turqit është 1-vjeçare dhe mbetet për t’u parë se me çfarë formule ka kaluar mesfushori në Turqi.
Arnavutluk Süper Lig tak?mlar?ndan Skenderbeu'da oynayan 94 do?umlu, Malili orta saha oyuncusu Bakary Nimaga ile 1 y?ll?k sözle?me imzaland?. Hay?rl? olsun. pic.twitter.com/h7WY1lk45d
— Hatayspor (@Hatayspor_FK) August 20, 2018
Mesfushori 23-vjeçar prej gjashtë vitesh luan në Shqipëri. Fillimisht kishte ardhur për sulmues te Skënderbeu, ndërkohë që më pas u zhvendos në mesfushë, ku edhe gjeti veten dhe spikati. Gjithsesi problem më i madh për Nimagën kanë qenë dëmtimet e shpeshta, që frenonin klubet e huaja për ta blerë nga Skënderbeu.
