Holanda dhe Italia do të përballen në finalen e Kampionatit Europian U-17 që po zhvillohet në Angli.
“Tulipanët” mposhtën Anglinë vendase në gjysmëfinale, falë 11-metërshave, në një sfidë që nuk prodhoi gola, edhe pse rastet ishin të shumta, në një sfidë të barabartë.
Një ekip i mallkuar kur bëhet fjalë për penalltitë, Holanda më në fund festoi, sepse portieri Xhoi Kurevar u bë heroi, duke pritur penalltinë e 12-të të ndeshjes, pas 11 gjuajtjesh të sakta.
Kjo lejon Holandën të vijojë të ëndërrojë titullin e tretë, pas sukseseve në vitet 2011 e 2012.
Në finalen e të dielës do të jetë përballë Italia, që shkon për herë të dytë në histori në finalen e Europianit U-17.
“Axurrët e vegjël” mundën Belgjikën 2-1, në një sfidë mjaft të luftuar, që u vendos nga një gol i bukur shënuar nga Edoardo Vergani 10 minuta para fundit.
#U17EURO ??
???? ?#AZZURRINI IN FINALE!!!!!!! ????
Domenica sfideranno la vincente tra #Inghilterra e #Olanda!#Italia vs #Belgio ?? ?? 2-1
?? #Gyabuaa (I), #Vertessen (B), #Vergani (I)#Nazionale #VivoAzzurro #Europeo #Under17 #ForzaAzzurrini pic.twitter.com/KAV5Q4vqp3— Nazionale Italiana (@Vivo_Azzurro) May 17, 2018