Në Letoni nuk ka vend më për diskutime pasi kampionati quhet matematikisht i mbyllur dy javë përpara. Ekipi i Herdi Prengës, Riga, është shpallur kampion në ndeshjen direkte me ndjeksin më të afërt, skuadrën e RFS. Në takimin e mbyllur me rezultatin e barabartë, 1 me 1, vendasit shijuan festën e të qenit kampion dhe hapjes së shampanjës.
Ish-mbrojtësi i Kombëtares së Shqipërisë shpallet kampion në vitin e parë me skuadrën letoneze pas largimit nga Inter Zapersic,në Kroaci. Prenga u grumbullua nga tekniku Panucci për ndeshjet e Uefa National League, ndërsa një ftesë e dytë nuk i erdhi më pas për kualifikueset e europianit./Sport Ekspres/