Hamilton shpejton rinovimin me Meredezin

0

Luis Hamilton është shumë pranë rinovimit të kontratës me Mercedezin. Një lajm ky që bën të lumtur tifozët e skuadrës gjermane, pasi mungesa e rinovimit kishte ushqyer shumë spekulime mediatike mbi të ardhmen e kampionit të botës. Lajmi u bë i ditur nga vetë piloti britanik i cili deklaroi: “Është një çështje mes avokatëve, shpresojmë që të përfundojë gjithçka para fundjavës”. Në këtë mënyrë britaniku shprehu dëshirën e tij që të zgjasë sa më parë që të jetë e mundur bashkëpunimin me skuadrën gjermane. Kontrata aktuale e pilotit anglez me “Shigjetat e Argjendta” skadon në fund të këtij viti. Të dielën zhvillohet Çmimi i Madh i Malajzisë, gara e dytë e këtij Botërori të Formula 1. Hamilton e nisi sezonin me triumfin në Çmimin e Madh të Australisë dhe dëshiron ta nisë garën e ardhshme me kontratën e re në xhep, edhe pse zgjatja e bashkëpunimit nuk përbën një problem për të. “Nëse rinovimi vjen para garës së Sepang do të ishte diçka e mrekullueshme, por nëse do të ishte e nevojshme të prisnim edhe pak nuk do të ishte një dramë, pasi rinovimi do të vijë në momentin më të përshtatshëm”, deklaroi Hamilton.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.