Guidolin: Ja pse Uellsi do t’iu mahnisë

0

Trajneri Italian rrëfen ekipin e Kolemanit, pasi jeton prej gjashtë muajsh në Suonsi: “Ata jetojnë me sportin. Janë popull i dashur dhe shumë zemërgjërë”

Aty ku nuk kishte mbërritur Skocia e Denis Lou. Ku nuk kishte mbërritur Irlanda e Veriut të Xhorxh Bestit. Pa pasur një “Top të Artë” – të paktën për tani – gjysmëfinalja europiane për Uellsin është rezultati më i mirë futbollistik i Britanisë, përjashto Anglinë. Belgët nuk arrijnë të arsyetojnë. Thonë se kanë humbur nga një kombëtare e Serisë B, pra kategorisë së dytë, madje Kurtua kërkoi dorëheqjen e trajnerit Vilmots. Gjashtë muaj më parë, Françesko Guidolin, zbuloi shpirtin dhe zemrën e Uellsit. Suonsi e mori për të rregulluar renditjen. Arsenali dhe Çelsi të mundura, mbijetesa e arritur, kontrarë e zgjatur deri në 2018-n. Kapiteni i kombëtares, Eshli Uilliams dhe Neil Tejlor janë lojtarët e tij: “I dërgova një sms. Tejlor mu përgjigj: trajner, jemi në renë e nëntë”. Nuk e kuptoja në fillim, po kur pashë fjalorin frazologjik të tyre, kuptova se ëshë njësoj sikur themi ne “në qiellin e shtatë”.

Guidolin, që ka gjashtë muaj që jeton në Uells, rrëfen: “Kur mbërrita në shkurt, gjëja e parë që më goditi ishte përzemërsia e personave. Xhentilesa e tyre. Qetësia dhe harmonia. Futbolli përfiton shumë nga këto vlera. Uellsianët kanë një lidhje të fortë me vendin e tyre, një ndjesi përkatësie. Flamurin dhe himnin kombëtar e kanë përzemër. Në 45 ditët e para ku kam jetuar në hotel, ishte mbreslënëse të shihje pub-et të mbusheshin kur kishte ndeshje rregbie. Entuaziazëm, pasion, mënyra më e mirë për të jetuar sportin”. Por, a është Garet Bejl “epiqendra” dhe ylli që tërheq të gjithë: “Kujdes, Uellsi s’është vetëm ai. Ka diferencë në krahasim me Suedinë dhe Ibrën. Uellsi ka të paktën 5-6 futbollistë të shkëlqyer. Në pjesën e dytë ndaj Belgjikës u fut në fushë një farë King, që te Leiçesteri është titullar, ndërsa në kombëtare qëndron në pankinë”.

 

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image