Grizman thyen Lesterin, por gjithçka mbetet e hapur

0

Një penallti e diskutueshme në minutën e 28-të të ndeshjes i dha fitoren Atletikos së Madridit ndaj Lesterit, në një sfidë që në fakt pritej të ishte disi më e lehtë për spanjollët.

Suksesi 1-0, me golin e të zakonshmit Grizman, nuk është aspak i keq, por mund dhe duhej të ishte më i thellë, sepse në Angli do të jetë ferr dhe e ka provuar më parë Sevilja.

Atletiko dominoi, në fakt, duke kontrolluar lojën, ndaj një rivali që nuk krijoi asnjë rrezik, por përveç një shtylle nga Koke, Atletiko nuk është se bëri shumë për të thelluar rezultatin, ndaj tani shkon në kthim me detyrimin për të mos pësuar, ose të shënojë patjetër.

Lesteri tregoi edhe një herë se nuk është aspak inferior në Champions, edhe pse pa eksperiencë ndërkombëtare, por në kthim do të mungojë për pezullim qendërmbrojtësi Robert Huth, perfekt në Madrid.

 

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.