Grezda dhe Rejnxhërsi nuk kalojnë, Beshiktashi “digjet” në shtëpi

0

Janë përcaktuar gjysma e ekipeve që do të kalojnë më tej në Europa Ligë, teksa janë mbyllur ndeshjet e luajtura në orën 18:55. Rejnxhërsi i Eros Grezdës nuk ka arritur të bëjë mrekullinë në Austri, teksa pësoi një disfatë ndaj Rapidit 1-0, me mesfushorin tonë që luajti që nga minuta e 72-të.

Gjithashtu Vijareali mori një biletë për më tej, ku fitoi 2-0 ndaj moskovitëve të Spartakut dhe e mbyll grupin si e para. Frankfurti është i vetmi ekip që e mbyll fazën e grupeve me pikë të plota, teksa fitoi në transfertë ndaj Lacios 1-2, ndërsa Marseja e mbyll me turp, pasi humbet në shtëpi ndaj qipriotëve të Apollonit 1-3.

Malmo ishte surpriza më e madhe në grupin I, ku arriti një triumf në Turqi ndaj Beshiktashit, duke lënë kështu turqit jashtë. Genku, ndërkohë kaloi lehtësisht Sarpsborgun 4-0 dhe e mbyll grupin në vendin e parë. Sevija ndërkohë, shkatërroi 3-0 Krasnodarin në shtëpi duke marrë vendin e parë në grupin J.

Francezët e Renës treguan dhëmbët ndaj Astanës, pasi i mposhtën kazakët me rezultatin 2-0, duke u ngjitur në vendin e dytë. Dinamo Kiev nga ana tjetër, pavarësisht humbjes, vijoi të ruante vendin e parë në grupin K.

Çelsi i Mauricio Sarrit nuk shkoi më shumë se një barazim 2-2, në Hungari ndaj Vidit. Këta të fundit nuk arritën të kualifikoheshin, pasi si e dyta në grupin L u kualifikua BATE, e cila mposhti PAOK-un, në Selanik me shifrat 1-3.

Rapid Vien 1-0   Rejnxhërs

Vijarreal 2-0 Spartak Moskë

Lacio 1-2 Ajntraht Frankfurt

Marsejë 1-3 Apollon Limasol

Beshiktash 0-1 Malmo

Genk 4-0 Sarpsborg

Akhisar 0-0 Standard Liezh

Sevija 3-0 Krasnodar

Dinamo Kiev 0-1 Jablonec

Renë 2-0 Astana

PAOK Selanik 1-3 BATE Borisov

Vidi 2-2 Çelsi

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.