Gjermania dhe Kili “ngopen” me barazim

0

Gjermania e të rinjve nuk di të humbasë, edhe pse i mungojnë yje si Manuel Nojer, Mesut Ozil apo Tomas Myler. Ndeshja e luajtur dje në “Kazan Arena” me Kilin u mbyll në barazim 1-1 dhe kjo qe një nga sfidat më interesante në fazën e grupeve të Kupës së Konfederatave, turne që po luhet në Rusi një vit para Botërorit të shumëpritur. Pasi kishin fituar në ndeshjet e para, përkatësisht ndaj Australisë dhe Kameruni, këto dy ekipe servirën një ndeshje spektakolare, por në fund asnjëra nuk fitoi dhe kështu do të ndajnë vendin e parë në grup me nga katër pikë.

Ndeshja

Loja nisi me shumë vrull dhe kilianët përfituan nga një shpërqendrim i gjermanëve për të shënuar golin e parë. Sulmuesi i Arsenalit, Sançez, duke përfituar nga një gabim i Mustafit, fillimisht gjeti shtyllën dhe më pas rrjetën, pasi kombinoi me lojtarin e Bajernit, Vidal. Me këtë gol 28-vjeçari, i cili spekulohet se do të jetë lojtari i ardhshëm i Bajernit, u bë golashënuesi më i mirë i historisë së Kilit me 38 gola. Ky ishte edhe goli numër 400 në historinë e Kupës së Konfederatave, një jubile! Kampionët e botës e morën veten me shumë vështirësi. Ata nuk dilnin dot lehtë në sulm, sepse i penalizonte edhe formacioni shumë difensiv i trajnerit Lëv. Gjithsesi, katër minuta para mbylljes së pjesës së parë “panterat” ia dolën të barazonin me Shtindlin, i cili e gjeti portën të boshatisur pas një kombinimi me Hektorin dhe Xhanin. Kështu u mbyll jo vetëm pjesa e parë, por edhe e dyta, me dy skuadrat të cilat e rritën ritmin e lojës, por nuk patën fat para porte. Kili u tregua disi më cinik me topa të gjatë në minutat e fundit dhe me krose mund ta kishte gjetur golin e fitores, por gjermanët patën durim dhe menaxhuan disa situata mjaft të vështira. Në fund gjithçka u mbyll 1-1 dhe tashmë nuk ka dyshime se dy skuadrat që do të kalojnë më tej luajtën në “Kazan Arena”.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image