Gega nuk kursehet, për Partizanin edhe në… fshatra

0

Partizani po bën mirë këtë sezon dhe meritë për ecurinë pozitive të të kuqve ka në mënyrë të padiskutueshme edhe trajneri Skënder Gega. Ish-futbollisti i të kuqve la Shtetet e Bashkuara të Amerikës për të provuar eksperiencën e parë në Superiore dhe gjithçka po shkon në rrugën e duhur.

Veç rezultateve sportive, te Partizani po mendojnë edhe për të afruar elementë të rinj. Skautë të ndryshëm po shohin futbollistë në kampionatin e moshave dhe në janar pritet të ketë lëvizje. Të kuqtë do tentojnë të afrojnë elementë me të ardhme, pasi kjo shihet si rruga e duhur për të pasur sukses në vazhdimësi.

Por nuk shihen vetëm të rinj nëpër ekipe të tjera. Partizani B gjithashtu është nën vëzhgim. Trajneri Skënder Gega e ndjek shpesh ekipin e dytë, teksa sot ka qenë në Luz të Kavajës për të parë takimin që “demat” luajtën me Luzi 2008. Këtë sezon Gega mori nga Partizani B mesfushorin Kristi Kote dhe të tjerë elementë mbeten në fokus.

You might also like

Leave A Reply

Your email address will not be published.