Enis Gavazaj ka dalë përpara medieve dhe për RTSH u shpreh në lidhje me humbjen, duke e nisur nga gjendja fizike… “Nuk ishte e lehtë për mua, sepse vija pas dëmtimit. Nuk e di se çfarë thërrisnin tifozët serbë, pasi ishim të përqendruar. Ky rezultat nuk është i mirë, por ky është sporti dhe shpresoj që në të ardhmen të na buzëqeshë dhe marrim rezultate më të mira”. Sakaq, i pyetur për faktin nëse ishte gati ose jo për 90’, ja përgjigjia e tij: “Besoja që pjesën e parë ta mbaroja sa më mirë dhe pastaj të zëvendësohesha, por nuk kisha dëshirë kur më zëvendësoi trajneri, pasi po humbisnim, por çfarë të bëj, ndodhi…”