Futbollisti turk mbështet ushtrinë, në Gjermani kërkojnë përjashtimin e tij

Ngjarjet politike kanë mbërthyer edhe futbollin së fundmi, teksa lojtarët turq kanë zgjedhur të mbështesin trupat ushtarake të shtetit të tyre në sulmin ndaj Sirisë veriore. Një gjë të tillë e bëri edhe Kombëtarja e Turqisë në ndeshjen ndaj Shqipërise, ku festoi golin me përshëndetje ushtarake.

Por nuk ishte ky i vetmi rast, pasi një situatë e ngjashme ka ndodhur me futbollistin Cenk Sahin, që aktivizohet me ekipin e St. Pauli në Ligën e Dytë gjermane. Lojtari postoi në rrjetin e tij social në “Instagram” një foto të flamurit turk me mbishkrimin: “Jemi në krah të ushtrisë sonë heroike. Lutjet tona janë me ju”.

Këto fjalë kanë ngjallur irritim te tifozët ultras të klubit gjerman, të cilët i kanë dhënë ultimatum drejtuesëve të St. Paulit për të larguar në mënyrë të menjëhershme futbollistin turk nga radhët e tyre.

Ndërkohë skuadra gjermane duket se po e mendon seriozisht përjashtimin e 25-vjeçarit turk, pasi ka dhënë një njoftim ku distancon veten nga fjalët e Sahin, të cilat sipas saj nuk janë në përputhje me vlerat e klubit. Gjithashtu shtojnë se do i shkojnë në çështjes në brendësi për të dalë më pas në një vendim përfundimtar. “Jo më luftë”, në këtë mënyrë e përmbyll St. Pauli njoftimin e bërë prej tyre./Sport Ekspres/