Frashëri: Kukësi ka rënie pas merkatos, i befasuar nga Koliçi

0

Faza e fundit në kampionatin e kaluar ndryshoi hirearkitë të Kukësi. Stivi Frashëri u kthye në portierin titullar të veri-lindorëve, ndërsa për Enea Koliçin nisi krisja e madhe, që u shoqërua më pas me lënien jashtë listës së Champions nga klubi dhe prishjen përpara kohe të kontratës që përfundonte pas ndeshjeve ndërkombëtare.

Dikur miq të mirë, portierët u shndërruan në mënyrë të pashmangshme në rivalë. Megjithatë, në prononcimin për “Supersport”, Frashëri nuk e fsheh befasinë për largimin e Koliçit dhe i uron suksese në karrierë. “U habita disi, sepse nuk e prisja të ikte. Enea e ka treguar te Kukësi se çfarë mund të bëjë dhe i uroj suksese në të ardhmen”.

Frashëri komentoi edhe skuadrën aktuale të Kukësit, përpara dueleve në Champions me maltezët e Valetas. “Kukësi ka pak rënie nga skuadra e sezonit të kaluar, sepse janë larguar shumë lojtarë, mes tyre edhe golashënuesi Guri. Të rinjtë e afruar janë cilësorë, por kanë nevojë për kohë të integrohen”.

Portieri 27-vjeçar premtoi se do të jetë në fushë ndaj Valetas, ku as që nuk e mendon ti nënvlerësojë rivalët. “Jam rikuperuar plotësisht dhe prej javësh po stërvitem me ekipin. Jam kthyer në nivelin që isha para dëmtimit. Valeta? Ata vijnë nga një ligë e dobët, por nuk duhet të harrojmë se janë kampionë. Nevojitet vlerësim maksimal për të vazhduar më tej, edhe sepse Kukësi nuk është skuadër pa eksperiencë në Champions”.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.