Francë-Turqi/ Sa shumë tifozë nuk hyjnë dot në stadium, ironizojnë vendasit si… ushtarë!

Me një tension të madh pritej përballja mes Francës dhe Turqisë. Kjo për vetë kohën kur vjen kjo përballje, me vendasit që kërkuan shtyrjen e ndeshjes, por që nuk u aprovua nga ana e UEFA-s. Vëmendja mbetet ende te kjo ndeshje që do të nisë në orën 20:45.

Ndërkohë atmosfera mbetet e ndezur me tifozët e Turqisë jashtë stadiumit. Faktikisht, pjesa më e madhe e tyre do të qendrojë aty dhe nuk do të futen për ta parë ndeshjen. Kjo pasi janë rreth 30.000 turqë të ardhur nga e gjithë Europa, për të mbështetur Kombëtaren pas atyre kritikave të marra së fundmi.

Bëhet fjalë për festimin e lojtarëve në mbështetje të ushtarëve që po luftojnë kundër kurdëve në Siri. Francezët janë kundër këtij vendimi dhe vetë tifozët turqë po ironizojnë jashtë stadiumit, duke bërë të njëjtën shenjë. /Sport Ekspres/