FOTO | Rikthime dhe afrime, mësoni dy lojtarët e rinj të Skënderbeut

0

Kampionët në fuqi të Shqipërisë, Skënderbeu vendosi të huazojë sulmuesin nigerian, Gofri Çinedu Carls te skuadra e Rabotniçkit në Maqedoni për dy vite.

Marrëveshja mes dy klubeve u arrit në qershor të 2017-ës dhe Çinedu mendohej se do të rikthehej te “Ujqërit e Dëborës” në qershor të këtij viti, por është kthyer para kohe.

Sipas “infosport.mk”, drejtuesit e Rabotniçkit nuk kanë menduar ta mbajnë në skuadër sulmuesin 21-vjeçar dhe gjysmën e dytë të sezonit, do e kalojë te skuadra e Skënderbeut.

Nuk dihet nëse Çinedu bën pjesë në planet e trajneri Orges Shehi, por me Dejvi Bregun të dëmtuar, ndoshta do të ketë minuta për sulmuesin afrikan.

Sulmuesi afrikan, Çinedu FOTO: infosport.mk

Përveç këtij rikthimi, te Skënderbeu është afruar dhe një futbollist. Bëhet fjalë për Elmir Asanin, mesfushorin e krahut që ka lindur në Novi Sad. 23-vjeçari luajti titullar në miqësoren e sotme përballë Bylisit dhe iu deshën vetëm 5 minuta lojë për të impresionuar.

Mesfushori anësor shënoi golin e parë për “Ujqërit e Dëborës” dhe duket se e ardhmja e tij do të jetë te kampionët në fuqi të Shqipërisë.

Asani gjatë kohës kur u testua te Shkëndija FOTO: KF Shkëndija

 

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.