Feston Franca, shpartallon Holandën dhe merr një dhuratë nga Suedia

1

Që Holanda nuk është më ajo që njohim, ky nuk është lajm, por që të kthehet në një skuadër “dyshek”, që e mundin thuajse të gjithë dhe që rivalët e mëdhenj nuk e llogarisin më, kjo është vërtet për të ardhur keq.

Sot Holanda u mund 4-0 në Francë dhe praktikisht ka djegur një nga shanset e fundit për të kapur vendin e dytë, që shkon në play-off.

Franca dominoi totalisht, aq sa pati 61% zotërim topi dhe goditi  21 herë portën kundërshtare, 14 herë në kuadrat. Grizman në minutën e 14-të shënoi golin e parë dhe aty Holanda mori goditjen e parë, ndërsa Strotman në minutën e 62-të e braktisi, duke marrë karton të kuq.

Më pas, njeriu më i kërkuar në Angli, Lemar, shënoi 2 gola në minutat 73 e 88, si për t’i treguar Anglisë pse e duan aq shumë Liverpuli e Arsenali, ndërsa në shtesë Mbape festoi kalimin te PSG me gol.

Ndërkaq, Francës i erdhi një dhuratë nga Suedia, sepse skandinavët u mundën papritur 3-2 në Bullgari, aty ku ishin gjithnjë në disavantazh dhe goli i Çoçev në minutën e 79-të i detyroi të kapitullonin përfundimisht. Vendi i dytë mbetet suedez, por tashmë edhe Bullgaria është futur fuqishëm në garë, pa harruar Holandën.

SHPËRNDAJE

1 KOMENT

PËRGJIGJU

Please enter your comment!
Please enter your name here