Ka bërë xhiron e uebit ditët e fundit diçka e veçantë që ndodhi në ndeshjen mes Portugalisë e Spanjës.
Kur Ronaldo shënoi golin e tretë, futbollistët vrapuan të festonin te njëri cep i fushës, por ndërkohë mbrojtësi Zhoze Fonte qëndroi brenda fushe, me gjithë lojtarët e tjerë që kishin dalë nga vijat kufizuese. Në video duket që një nga lojtarët i thotë Fontes të mos dalë nga fusha, por arsyeja nuk dihet.
Në Tëitter teori që ka mbizotëruar ka qenë që një rregull i FIFA-s përcakton se loja mund të rinisë, nëse gjithë lojtarët e skuadrës që shënon nuk janë në mesfushën e skuadrës që nis topin nga qendra. Për këtë arsye, Fonte qëndronte në fushë, që të mos riniste loja nga qendra.
Megjithatë, problemi është se rregulli i mësipërm NUK EKZISTON.
Nuk ka rregullore futbolli që të përcaktojë një gjë të tillë, sepse realisht rregullorja e FIFA-s përcakton vetë që “lojtarët duhet të jenë të gjithë në gjysmëfushën e vet para se të nisë loja”.
Ndoshta lojtarët e Portugalisë e kanë dëgjuar keq, ose nuk i dinë mirë rregullat.
E forta është se edhe një ditë pas Portugali-Spanjë, kur Australia barazoi ndaj Francës, sërish një nga lojtarët australianë qëndronte në fushë kur të tjerët festonin jashtë saj. Me sa duket, kanë para Portugalinë dhe kanë menduar: “Këta e dinë mirë rregulloren”.
Më e habitshmja është se Portugalia vazhdon me këtë rutinë, sepse edhe ndaj Marokut festimi ishte identik, një lojtar nuk dilte nga fusha!
The 'rule' does not exist says the referees of the world…
But here's another image from ongoing #WorldCup game.. Portugal celebrating Ronaldo's goal against Morocco.#PORMAR pic.twitter.com/e3ZlVGrqeP
— The Football Arena (@BantsFootballFC) June 20, 2018