Të kualifikohesh për në gjysmëfinalet e Kupës së Botës është një eveniment madhor. Të mbërrish aty pas tre dekadash thatësire dhe të quhesh Angli, atëherë është diçka e rrallë, që i ka bërë tifozët të tërbohen.
Të pamësuar me suksese të kombëtares, anglezët kanë rizbuluar dashurinë për Tre Luanët, duke mos e përmbajtur entuziazmin, aq sa kanë kaluar kufijtë e sjelljes normale.
Në rrugët e Londrës ka pasur turma qr kanë bllokuar trafikun dhe kanë shkatërruar edhe një ambulancë që ishte në shërbim.
Ndërkaq, një pikë e kompanisë së famshme suedeze IKEA u pushtua nga tifozë që festonin dhe këndonin, por që natyrisht bënë jo pak dëme.
Live scenes at IKEA – LONDON #ENGSWE pic.twitter.com/rAOEm3cqqA
— ???? (@KingMo786) July 7, 2018
Natyrisht, festa ka ndonjëherë teprime dhe anglezëve u falet, por ka pasur edhe shumë njerëz që janë treguar shumë kritikë, duke kërkuar falje publike kundrejt suedezëve, ndërkohë që të tjerë kanë kujtuar sjelljen e tifozëve japonezë që pastronin stadiumet në Rusi, në një kohë që anglezët edhe kur festojnë shkaktojnë dëme.