Falkao pranë largimit, e kërkon “gjiganti” turk

0

Radamel Falkao mbetet një sulmues efikas dhe shumë i aftë. Kolumbiani mbylli një sezon të vështirë me Monakon dhe golat e tij ndihmuan ekipin të mos turpërohej me rrëzimin një kategori më poshtë.

33-vjeçarit i përfundon kontrata me klubin nga Principata verën e ardhshme, ndërsa nuk mungon dëshira për të provuar një eksperiencë tjetër. Oferta e fundit e tundon dhe vjen nga Turqia.

Fatih Terim e dëshiron Falkaon te Gallatasaraji. Kampionët e Turqisë duan të ecin sa më larg në Champions dhe besojnë te eksperienca dhe nuhatja për gol e bomberit latin.

Negociatat kanë nisur dhe lojtari e sheh me sy të mirë transferimin te Gallata. Nëse akordi nuk arrihet, klubi turk do të hidhej në sulm për Stefano Okakën e Udinezes.

You might also like

Leave A Reply

Your email address will not be published.