Sesk Fabregas u largua nga Çelsi në janar për t’iu bashkuar Monakos në Francë, pas katër sezoneve e gjysmë të mbushur me suksese. Dy tituj Premier Lige, një Kupë FA dhe një “Carabao Cup” ka fituar spanjolli me fanellën e Çelsit, duke kaluar një nga periudhat më të suksesshme të tij si futbollist.
Edhe pse është larguar nga blutë e Londrës, Fabregas vazhdon të jetë një tifoz i Çelsit dhe një foto e tij e publikuar në rrjetet sociale është kthyer në qendër të vëmendjes.
Krahas legjendës së Barcelonës, Karlos Pyjol në një eveniment bamirësie të zhvilluar në Spanjë, Fabregas është fotografuar duke ndjekur ndeshjen e Çelsit kundër Mançester Junajtid nga telefoni i tij, foto që është shpërndarë më pas edhe nga klubi i Çelsit. Për fat të keq, blutë u mposhtën nga “Djajtë e kuq”, duke u eliminuar nga Kupa FA.
