Edhe Raboshta zgjedh Kosovën, Ledion Muçaj ndryshon ekip

Vushtrria ka bërë disa lëvizje sot, teksa ka zyrtarizuar tre afrime dhe një rinovim. Bajram Zuqaku është ai që ka pranuar të vazhdojë rrugëtimin me klubin e rikthyer në Ipko Superliga e Kosovës. Prurja tjetër është Ledion Muçaj, i cili me përfundimin e kampionatit u largua nga Ballkani.

Mesfushori qendror ka luajtur edhe në Superiore me Besën, Bylisin e Apoloninë. Vushtrria është klubi i tretë në Kosovë për të, pasi më parë ka veshur edhe fanellën e Gjilanit. Te Vushtrria ka firmosur edhe i riu Klevis Lushaku. I dalë nga moshat e Teutës, qendërmbrojtësi ka vendosur që eksperiencën e parë si profesionist ta ketë me klubin dardan.

GODITJA – Vushtrria ka befasuar, duke bindur sulmuesin Jasmin Raboshta të nënshkruajë me ta. Shkodrani kishte një ofertë nga Besëlidhja, por ka preferuar ta vazhdojë karrierën në Kosovë. Sulmuesi sezonin e fundit u aktivizua në Turqi.

“Jasmin Raboshta, 29-vjeçar nga Shkodra, i dalë nga akademia e klubit të futbollit Vllaznia nga Shkodra, dhe pjesë e shumë skuadrave Shqiptare, siç janë KF Elbasani (2 vite), KF Luftëtari (2 vite), KF Butrinti (2 vite), dhe KF Kastrioti (1 vit). Sulmuesi shkodran dy vitet e fundit ishte pjesë e futbollit Turk, me 1960 Silopi dhe Siirt Idare.

Rraboshta për faqen tonë deklaroi: “futbolli kosovar ka filluar të bëhet shumë cilësor dhe interesant, sidomos vitin e fundit. Kështu që vlerësoj se jam i gatshëm të sfidoj veten për një aventurë të re në Superligën e Kosovës”.

Leave a Reply

Your email address will not be published. Required fields are marked *