E papritura vjen nga Spanja. Sipas “Don Balon“ dhe asaj që bën të ditur Manolete, gazetari i prestigjozes “AS”, Chelsea është gati bëjë goditjen më të madhe në merkato. Blutë e Londrës duan të sjellin përsëri në Premier League Cristiano Ronaldo-n dhe për të arritur këtu kanë gati 120 milionë euro për të joshur Juventusin. Edhe pse në moshën 35-vjeçare, ylli portugez duket mjaft në formë fizikisht dhe e ka treguar në fushë se ende mbetet një nga më të mirët në qarkullim.
Një blerje e tillë do të ishte zgjidhja e problemeve të Lampard, i cili duket se kërkon të bëjë ndryshime në repartin e sulmit. Një lojtar si Ronaldo do të sillte më tepër cilësi, por më e rëndësishmja më tepër eksperiencë në radhët e Chelsea-t, që këtë sezon është mbështetur vetëm te të rinjtë. Megjithatë sado të talentuar jenë, trofetë kërkojnë përvojë për t’u fituar. Vera duekt se do të ketë të reja në lidhje me të ardhmen e Ronaldos, teksa shifra e ofruar mund të mund të bindë Agnelli-n të japë miratimin për këtë transferim./Halit Delibashi-Sport Ekspres/
Ahora en #Italia e #Inglaterra apuntan que el #Chelsea podría ofrecer 120 millones por #Cristiano y la #Juve lo mira con buenos ojos. Esta claro que el portugués dio en el #Madrid sus mejores momentos futbolísticos y ahora es el momento de buscar nuevos aires y sus buenos euros.
— Manolete (@AS_Manolete) June 15, 2020