E kryer, Gavazaj niset për në Rusi

0

Pas Roshit, Balajt e Bernard Berishës, edhe një shqiptar shkon në kampionatin rus dhe sërish nëpërmjet Skënderbeut.

Bëhet fjalë për Enis Gavazajn, i cili është tashmë me valixhet gati dhe pret të niset për në Rusi.

Që paraditen e sotme u zbulua emri i klubit që e kërkon, Jenisej, klub i sapongjitur në Premier Ligën ruse, por tashmë nga Korça konfirmohet jo vetëm klubi, por edhe që Gavazaj do të fluturojë drejt Rusisë në orët e ardhshme.

Mesfushori i kombëtares sonë nuk ka qenë në seancat e fundit stërvitore dhe mësohet se është në Tiranë, duke kryer procedurat e fundit para nisjes për në Rusi.

Skënderbeu pret një shifër të rëndësishme, mbi gjysmë milioni euro për talentin e vet, që tashmë kërkon të provojë sërish veten jashtë vendit, pasi në Belgjikë dëmtimet nuk e lejuan të shprehej në maksimum.

Pas Gavazajt në Korçë do të përqendrohen te përforcimi i skuadrës, por nuk përjashtohen shitje të tjera lojtarësh.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.