E do Muriqin në ekip, Tare ofron një shqiptar të Lacios në shkëmbim dhe para

Tare po mendon seriozisht që të veshë me fanellën e Lacios sulmuesin shqiptar Vedat Muriqin. Për t’ia arritur këtij qëllimi do të përdorë edhe futbollistin tjetër shqiptar, Riza Durmishin, i cili së bashku me një shumë parash sipër mund t’ja prishin mendjen ekipit turk të Fenerbahçes.

Një plan i tillë i shkon për shtat italianëve, pasi në këtë mënyrë do të përfitonin një nga sulmuesët më të mirë të momentit në Turqi, ndërsa do të largonin nga radhët e tyre një lojtar që minutat me skuadrën e Lacios i kanë munguar së tepërmi. Por çdo gjë mbetet në dorë të Fenerbahçes dhe Vedat Muriqit, pasi nga ana e Tares çdo gjë është e qartë./Sport Ekspres/