Xhanluixhi Bufon zyrtarizoi largimin e tij pas vetëm një sezoni me fanellën e PSG-së. Pavarësisht se është në moshën 41-vjeçare, portieri nuk ka në plan ta mbyllë karrierën.
Spekulimet kanë qenë të shumta për destinacionin e ri të tij, ndërsa së fundmi ka dalë në skenë emri i Parmës. Sipas mediave italiane, Bufon mund të firmosë për emilianët.
Në rast se diçka e tillë ndodh, atëherë do të ishte një rikthim i bujshëm për Bufon, i cili do të rikthehej në ekipin që u bë i njohur, pas plot 18 vitesh.